mmiez'o mercato...
Stammatina,Nanninella,
m'ha scetato mpunto e sette..
m'ha jettato a dint'o lietto..
<<Jammo! scetate! Pasca'!!!,
T'he scurdato? Stammatina
sta o mercato for'a villa!
haggio fa nu poco e spesa..
jammo,meh! datte da fa'!!!>>
U maronn!!O mercatino!
mammamia,aiutame tu!!!
cca,si tutto me va' buono,
n'coppa,nun ce saglio cchiu'!
Doppo n'ora,mmiez'a ggente!
..chi t'acchiappa,chi te votte..
chi te saglie n'coppa e piere!
chi a vo' cruda e chi a vo' cotta!
E,Nannina.tutt'allera!
se ne va pe fatte suoie!
e,mentr'io,avanzo o pero!
Maro'...nunn'a veco cchiu'!
Sta parlanno cu o signore
n'coppa o banco d'e tielle..
sta tiranno n'coppo a o prezzo..
Gesu'..nun se po' guarda'...
<<DDuric'euro? site pazzo?
pe sta cosa piccerella?>>
no,Signo'..mo va regalo..
n'zieme a n'ata caccavella!!!
..E accussi'..doppo tre ore..
a gira' dint'o mercato..
nunn'hamm'accattato niente...
e io sto tutto scassato!
ma,dicite,a chi aggio acciso?
dint'a na vita passata?
pe passa' stu ddiece e guaio.
con la moglie mia "adorata"?
e m'ha ditto<<Siente buono,
stu mercato,e' na schifezza...
ma dimane,a Caravita..
ce sta n'ato...ih che bellezza!!>>
...Io.si mo'..a rumpesse a capa..
so' sicuro,e nun mi sbaglio..
ca,si vene a polizia..
..me da' pure na medaglia!..
Nessun commento:
Posta un commento